Klamit…..
Kula Bumbu Lading…ketemu maning sedulur, nang Dopokan Simpul Pramuka
Pageblug Corona sing ana nang lumahing jagad, wis ndadekaken raja pati, ma ewu-ewu layon wis dadi tumbal covid 19.
Mayuta yuta pawongan kenang pralaya, kahanan urip lan panguripan sekang kota tekan ndesa dadi morak marik. Ora wong tua, ora remaja.
Tekan bayi bae kena akibate pageblug sing tekan siki esih ngorak ngarik tatanan negara, tatanan pemerintahan, lan tatanan panguripan kabeh negara sing ana ning lumahing jagad.
Baca Juga: Pramuli Kwarran Karangmoncol Siagakan Dapur Umum untuk Warga Isoman
Wis setahun punjul anane Pageblug corona, tekan siki ora rereb, malah tambah ora sengsaya, unggal dina tambah pawongan sing positip covid, tambah uga wong sing padha mati di pulasara kanthi Protokol Kesehatan.
Baca Juga: Tak Ada Kendala Saat Paparan Kwarran Bojongsari di Final Anugerah Pandu Citraloka Kwarda Jateng
Kaya kuwe pangudarasane uwa Ca Menawi sing sore kuwe jagong sila thenguk-thenguk dhewekan. Karo nyruput wedang clebek paitan, Uwa Ca nyambi mangan beneman budin sing esih gari setugel lewihan lawuh medang mau esuk.
Kanthi pendeleng sing nggenthana ora genah, lan nglangut ora ngerti kapan rampunge pageblug kiye, apa maning sekiye lagi dicakna anane PPKM darurat , seperlu kanggo ngurangi anane penyebaran lan penularan Virus Covid 19.